瀰濃的薰味

〈瀰濃的薰味〉 瀰濃的田土 食一喙稻仔飯 恁著掖種做薰苗 種落對阮的向望 予阮自在的翼股 飛在闊莽莽的青翠 是阮挽薰筍的所在 恁用一葉閣一葉的青金 換來阮的讀冊佮捌字 予阮飛向紺色的天 聽候焙薰焦燥的薰草 恁的目睭擘開阮的離鄉 紩起一串的金葉，做所費 看阮今隨个仔展才情 予阮順利成家佮立業 看恁迒過田岸 阮徛佇恁的身軀邊 就恬恬莫出聲 鼻著彼熟似的薰味 透入阮放袂開的心肝 註：高雄美濃原名「瀰濃」 〈瀰濃的薰味〉著於2023/10/20，2023/12/13酌修字詞 入選《台客詩刊》35期

延伸〈薰味〉短詩